АКТИВНОСТИ НА ПОЛИЦИСКИ СПОРТСКИ ПЛАНИНАРСКИ КЛУБ „7-МИ МАЈ“ - БИТОЛА

Клубот е формиран на 01.03.2006 год. во Битола, во просториите на СВР Битола, кадешто се одржа Основачкото собрание. Исто така во СВР Битола се наоѓа и седиштето на клубот.
Претседател на клубот е г-дин Јаневски Горан, главен инспектор во СНТ.
Потпретседател е г-дин Ристевски Гоце, главен полицаец во ПС - Битола 2.
Секретар на клубот е г-дин Кузманоски Николче, главен полицаец во ПС - Битола 1.
Стручна комисија на клубот во состав: Тони Решњак, виш инспектор по спорт и воедно стручно лице (тренер) во клубот; Димитар Црномаров, член; Вангел Ристовски, член.
Од формирањето на клубот до сега организирани се повеќе активности од кои поактуелни се:
- Клубот го организира Првиот меморијален марш „Бошко, Илчо, Марјан и Кире“ на 28.04.2006 во чест на загинатите бранители кај с. Вејце, Тетовско, како и во чест на тројца припадници на АРМ загинати во Тетовско. Беше изведен на релацијата од с. Буково, преку с. Ореово и пл. дом Неолица до с. Брусник.
- На 07.05.2006 клубот го организираше и Првиот планинарски марш по повод Денот на безбедноста „7-ми Мај“, и тоа на релација од МЗ „Превалец“ кај с. Ѓавато, МЗ „Голем Камен“, до с. Смилево.
И за оваа година во планираните активности на клубот е изведување на овие два планинарски марша кои се надеваме ќе станат традиционални.
Минатата година членовите на клубот се искачија и на врвот Руен (16.09.2006); на Голем Кораб (09.08.2006); на Пелистер - Меморијален марш „Мурато“ (13.05.2006); Пелистер - Големо езеро, меморијален марш „Медикус“; на Кајмакчалан, др. Рајс, и уште многу други планинарски акции.

Оддавање почит пред почетокот на маршот

На почетокот на Првиот меморијален марш

Кај спомен-чешмата

Патеката на Првиот меморијал (369 КБ)

Пред почетокот на маршот

На патеката кон с. Смилево

Патеката на пл. марш по повод „7-ми Мај“ (245 КБ)

И малку снег во летни услови

На врвот Ниџе на Кајмакчалан

На Голем Кораб

На Царев врв

На врвот Руен на Осоговските планини

Текст: Николче Кузманоски
Фотографии: Горан Јаневски, Боби Петковски и Николче Кузманоски
29.01.2007 год.