ИЗВЕСТУВАЊЕ

Почитувани колеги Планинари,

Ве известуваме дека Центарот за стручно оспособување при Федерацијата на планинарските спортови на Македонија, ќе врши дообука и лиценцирање на Водачи за планинарски тури како неопходен стручен кадар за работа во планинарските друштва.

Дообуката и лиценцирањето ќе се организираат во облик на еден викенд-семинар кој ќе се одржи во периодот Мај / Јуни 2008 година.

Право на пријавување и учество во дообуката, а со тоа и право да се стекнат со лиценца за Водач на планинарски тури имаат сите планинари кои имаат планинарско искуство повеќе од 10 години и активно учествуваат на акциите организирани од страна на Македонската планинарска организација.

Во пријавата за учество, кандидатите, покрај своите лични податоци и податоците за планинарската активност, треба да приложат и писмена потврда за веродостојноста на податоците од матичното друштво/клуб (со потпис и печат од претседателот), како и мислење од Македонската Планинарска Асоцијација, потврдено со потпис од претседателот.

Пријавите да се испраќаат на адреса на Центарот за стручно оспособување при ФПСМ:
Е-маил: csofpsm@yahoo.co.uk
Адреса: Булевар 11 Октомври, бр. 42-а, со назнака „За ФПСМ ЦСО“.

Дополнителни информации можете да добиете на горенаведените адреси или на телефонот во Федерацијата: 02-3165-540.

Со Поздрав,
Константин Циривири,
ФПСМ - ЦСО

13.02.2008 год.

Статии со слична содржина:

* Курс за планински водачи