ИСТОЧНА МАКЕДОНСКА ПЛАНИНАРСКА ТРАНСВЕРЗАЛА

Во просториите на ФПСМ на 08.06.2006 се одржа презентација на водичот „Eastern Macedonian Mountaineering Transversal“. Како што се гледа и од насловот изданието е на англиски јазик наменето за странски планинари (туристи). Во него покрај одредени основни податоци за државата и некои особености за флората и фауната, климата и др. содржани се податоци за некои планини од источниот дел од Македонија, и тоа: Осогово, Плачковица и Малешевските планини. Секоја планина е претставена со многу одлични фотографии, со прилично детални информации за голем број патеки од сите правци. Во ова доста луксузно издание, има и топографски мапи со однос 1:130000 со исцртувања на опишаните патеки.
Во прво време 200-300 примероци ќе бидат искористени преку туристичките агенции за популаризирање на планинарскиот туризам во горенаведените планини.
Инаку во следниот период према Константин Циривири предвиден е нов круг на Школата за водичи во планина наменета за локални водичи од западниот дел на државата во рамките на проектите за развој на планинарскиот туризам. Предвидено е и продолжување на Западната трансверзала до Кожуф (моментално е до Охрид).
Во иднина ќе биде работено и на проекти за изработка на прецизни мапи со ГПС записи.

12.06.2006