КУРС ЗА ПЛАНИНСКИ ВОДАЧИ

На 07-09.07.2006 започна третиот курс за Планински водачи во рамките на Центарот за стручно оспособување при ФПСМ, целосен донатор на овој курс е ОБСЕ. Со овој курс кој е предвидено да трае до крајот на идната 2007-ма година, ќе бидат оспособени 30-тина посетители на истиот. Во рамките на курсот ќе бидат организирани 20-тина семинари со околу 70 тренажни денови, предвидено е семинарите да бидат организирани на различни локации низ цела Македонија. После успешно полагање на крајот на идната година следува 3-6 месеци приправнички статус пред здобивањето со звањето Водач во планина. Програмата за овој трет круг е поопширна во однос на претходните, исто и тестирањата се посеопфатни. Покрај стандардните цели на самиот Центар за повисока стручност и внесување нови луѓе и идеи во пл. спортови, целта е да се помогне во поставувањето на основите, па и развојот на алтернативниот туризам во западниот дел од државата.
Успешните посетители на курсот ќе се здобијат со лиценца „А“, ќе можат да водат групи на целата територија на РМ, а ќе можат да основаат и туристички агенции за алтернативен туризам со што би се овозможило и намалување на невработеноста што е и главната цел на донацијата од ОБСЕ.
Инаку за септември е предвиден и почеток на процес за издавање на „Ц“ лиценци за Водачи на алпинистички искачувања, за која ќе биде потребно поседување звање „Алпинист“ од Алпинистичката асоцијација на Македонија и одредено докомплетирање на знаењата на кандидатите. Према Константин Циривири покрај досега обучените 70-тина Водачи со „А“ лиценци, најверојатно веќе во октомври ќе се оспособат и првите Водачи со „Ц“ лиценци.

21.07.2006 год.