РЕНОВИРАЊЕ НА ПЛ. ДОМ „МАТКА“

На 14.01.2008-ма година од СД „Пеони“ беше испратено следното писмо:

До Претседателството на ФПСМ,
Почитувани,

Спелеолошкото друштво „Пеони“ Ве информира дека пронајде стратешки партнер со чија помош ќе се реновира Планинарскиот дом „Матка“ во целост, и ќе се стави во квалитетна функција.
Санацијата на домот ќе започне веднаш, а ќе бидат потребни околу 4 месеци за реализација на потребните работи.
Во овој период домот нема да може да прима посетители.
По завршувањето на санацијата, ќе биде организирана соодветна промоција за која ќе бидете благовремено известени.

Спелеолошко друштво „Пеони“
Претседател
Жежовски Иван

На состанокот на Претседателството на ФПСМ одржан на 14.01.2008-ма год. едногласно беше одобрено потпишувањето на договорот со кој ќе се реализира идејата од горенаведеното писмо.
Инаку реновирањето ќе ги зафати сите делови од домот, приземјето, спратот и поткровјето. Во приземјето предвидено е да биде отворен ресторан во македонски национален стил. На спратот сместувањето ќе биде поквалитеткно, во сите соби ќе има тоалет со купатило.
А во поткровјето предвидено е да има планинарско сместување. Покрај неколкуте соби со кревети на спрат, ќе биде изградена и просторија за дневен престој со чајна кујна, и тоалетен чвор.

Информации: Жежовски Иван

15.02.2008 год.