Конечно почеток

Конечно вечерва по враќањето од вториот дел од припремите во Боливија, Глигор Делев тргнува од Монтреал кон Катманду каде ќе се сретне со главнината на експедицијата, којашто тргнува од Белград преку Атина во сабота на 31.03.2007 год. Му пожелав среќен пат и безбедна и успешна експедиција, верувам во име на сите нас, рече дека сигурно ќе дојде во Македонија оваа година.
Инаку интереснo е случувањето во врска со државното знаме кое треба Глигор да го носи, верувам и да го развее на Еверест, му беше испратен пакет кој требаше да стигне минатата недела (барем према вработните во Мак. пошта), но бидејќи до денес не беше стигнат со помош на Протоколот на МНР и нашата амбасада во Белград, утре изутрина ќе биде испратено друго знаме одовде (во амбасадата во Белград најмалото знаме е преголемо 1х2 метри) и договорено е со Драган Јаќимовиќ да го преземат утре од амбасадата.
Глигор изрази спремност да пишува кратки извештаи и да праќа фотографии кога ќе биде во можност, а со оглед на тоа дека Драган Јаќимовиќ веќе му одобри користење на сателитскиот модем кој ќе биде во базниот камп, верувам ќе бидеме во можност да го следиме развојот на експедицијата.
Инаку на учесниците на експедицијата може да им се испрати бесплатна порака на сателитскиот телефон со број 8821667003040 преку сајтот https://sms.thuraya.com.

Николов Богољуб
уредник на MKDmount
29.03.2007