ПЛАНИНАРСКИ МАРШ „АЏИНА РЕКА“

Согласно годишниот календар за планинарски активности на ПД „Бистра“ - Гостивар, оваа година по 14-ти пат го организира традиционалниот еднодневен марш „Аџина река“ на ден 17.06.2006 год. (сабота).
Маршот-маратонот стартува од месноста „Торбешки мост“ (до ова место се пристига со автобус), потоа се оди низводно по реките „Аџина река“ и „Ќафа е кадис“, па преку Идризова рупа, Говедарник, с. Горно Јеловце до планинарскиот дом „Шарски води“.
Пристигнувањето до пл. дом се предвидува околу 15ч каде домаќинот организира заеднички ручек.
После ручекот планинарите тргнуваат према Гостивар каде се пристига за време од два часа.
Напоменуваме дека планинарите кои ќе земат учество треба да се физички добро подготвени и за планински услови облечени.
Превозот од Гостивар до „Торбешки мост“ (1 автобус) го организира домаќинот.
Поаѓањето на автобусот е точно во 7ч од пред платото на општина Гостивар.
Исхраната на планинарите е од ранец освен заедничкиот ручек.
На крајот уште еднаш Ви препорачуваме да ја искористите можноста да уживате во прекрасните предели на овие наши краеви.

Лице за контакт: Геговски Гојко, тел. 042-388-540, моб. 075-616-609

ПД „Бистра“ - Гостивар
Претседател
Геговски Гојко

12.06.2006