ВРЕДНОСТИ ШТО ТРЕБА ДА СЕ ВИДАТ

Мегалитска опсерваторија „Кокино“ - с. Кокино
Се наоѓа на 4-то место на стари опсерватории према листата на НАСА.

Локалитет „Цоцев камен“
Mожеби најимпозантниот и најзначаен споменик на културата од времето на праисторијата.

Камените кукли - Кратовскo
Во близина на с. Куклица пред околу 10 милиони години со вулканска ерозија се создале околу 140 камени кукли, единствен феномен заштитен како природна реткост (фотографии од Тихомир Стојчевски).

Смоларски водопад - с. Смоларе
Се наоѓа на северните падини на Беласица во долниот тек на Смоларска река на 650 мнв. Вкупниот пад на водата изнесува 39,5 метри. Од силината на водата „резервоарот“ под водопадот има димензии 5 х 11 метри, со длабочина од 0,5 - 0,7 метри. Прогласен е за споменик на природата.

Колешински водопад - с. Колешино
Се наоѓа на северните падини на планината Беласица, во долниот тек на раката Баба на 500 мнв. Висок е 19 метри со ширина од околу 6 метри. Прогласен е за споменик на природата. (фотографии од Тихомир Стојчевски).