| Пакленица е национален парк на Хрватска и се наоѓа на околу 50 км од Задар, локалитетот е главно опремен со експанзиони клинови, долгите насоки се наоѓаат на Анича кук каде што и ние качувавме насоки долги и до 350 метри, тежината на насоките во овој локалитет е од 2 до 11 односно има одличен избор на насоки со најразлични тежини и должини.
Бевме петмина во екипата, Мирослав Ристовски од Тетово, Даниел, Ролф и Даниела (единствената девојка во групата) од Швајцарија, и јас Надир Мурсели.
Ние четворица (освен Мики) бевме тргнати од Швајцарија, со него се имавме договорено да се најдеме во Стари град каде што и се наоѓа Пакленица и кампот.
14.10.2006, Сабота - Стигнавме во кампот, нешто подоцна во 11ч стигна и Мики према договореното. Остатокот од денот го искористивме да го разгледаме локалитетот.
15.10.2006, Недела - Веднаш после доручек сите тргнавме до Анича кук и ја одбравме Мосорашката насока (оценка 5ц со должина 350 метри), во едната наврска одевме јас и Мики, останатите тројца беа другата наврска (Даниел, Ролф и Даниела). Еден цуг со Мики го поминавме без клинови, само на чокови и гуртни ... промашивме ... претходно влегов во еден цуг 7 ... се симнав бидејќи не можев да поминам !!! Потоа проба Даниел, и он не помина и заклучивме дека не сме во правата односно нашата насока, од тука се разделивме само што они имаа среќа по 50 метри па продолживме заедно до врвот.
16.10.2006, Понеделник - Се решивме да качуваме насоки со помалку цугови, така што отидовме во Мали цук со Мики и Даниела, Даниел и Ролф решија да качуваат кратки насоки до 30 метри но со поголеми тежини 6б. Најдовме една насока Цељски ступ тежина 5а со 150 метри должина. Откако се искачивме подоцна се најдовме со Даниел и Ролф и сите заедно се вративме во кампот. Следуваше готвење вечера, припрема на опремата и планирање ШТО за наредниот ден.
17.10.2006, Вторник - Овој ден одиме за Сплит, се договорив да се видиме со можеби еден од најдобрите алпинисти на Балкан и пошироко СТИПЕ БОЖИЧ. По доаѓање во Сплит Стипе не дочека многу убаво, по малку неочекувано за нас. Потоа ручек со него и разгледување на градот, му поставивме стотици прашања кои можеби по стоти пат ги слушнал во животот. На крај се договоривме да дојде еднаш да не посети во Македонија, бил некогаш но само на кратко, и самиот рече бил секаде низ светот а не бил во Македонија, ќе дојде на планинарење и се разбира по некоја презентација на слики и сл.
18.10.2006, Среда - Овој ден се спремавме за нешто потешко - Велебиташка насока со тежина 6а+ и должина 350 метри во Анича кук. Претходната вечер се договоривме дека пак во наврска ќе одиме јас и Мики, а другите во тројка, но утрото се смени планот, Ролф и Даниела ќе одат на нешто полесно и не доаѓаат со нас, така што сепак ќе качуваме во тројка со Даниел кој одлично качува. Ја земав и камерата покрај фотоапаратот така што ја снимив целата насока. Даниел го помина клучното место слободно, јас и Мики технички. Мосорашката насока е најпозната на Анича кук, но Велебиташки е насока која навистина овозможува уживање и напрегнување на мускулите и вреди да се помине.
19.10.2006, Четврток - Ова е последниот ден за качување така што со Мики решивме да качуваме пократки насоки до 30 метри, со нас беше и Даниела, Ролф и Даниел беа замината да качуваат на друго место. Со Мики и Даниела качувавме 3-4 саати и потоа со Мики заминавме во кампот да се спремиме за пат.
Така заврши ова патешествие, Мики остана кај своите роднини во Пула уште скоро една недела. Другите дома со длабоки импресии кои што полека стивнуваат, покрај убавото време и природата можевме и да се капеме во морето.
| |
2005-2008
Сите права се задржани 