ТРЕСОНЕЧКИ КАЊОН

Кањонингот е спуштање по непристапни кањони, движење по кристално чиста вода и спуштање по водопади. Спортско, естетско полно, движење кое го исполнува духот и ве понесува во поинаков, чист свет - во вистинска природа. Можност за човечкото да се судри со недопрена природа каде водата со илјадници години ги длаби карпите. ... а и многу повеќе од тоа!
Во соработка со Единицата за координација со проектот „Развој на општините и културата“, Министерството за Култура на Македонија, како и Светската Банка, ПД „Пеони“ го реализираше проектот „Тресонечки кањон“.
Тресонечкиот кањон се наоѓа во националниот парк Маврово на падините на планината Бистра. Посета на кањонот може да се направи само со специјализиран водич, потребни се и одредени технички знаења и извежбаност за користење соодветна техничка опрема. Најдобар период за посета е од 7-ми до 10-ти месец.
За да се дојде до кањонот потребни се околу 2ч стартувајќи од селото Тресонче. Самиот кањон се поминува за 2-5 часа. А враќањето до с. Тресонче по поминувањето на кањонот е за околу 1 час. Во кањонот има 12 каскади, висинската разлика е 290 метри а најголемиот водопад е висок 30 метри.
Неколку фотографии од екипата на ПД „Пеони“ која го опремуваше кањонот.

Текст и фотографии: Жежовски Иван
13.03.2008 год.

Статии со слична содржина:

* И СЕ СЛУЧИ КАЊОН - СПОРТ