„ГАЗИ БАБА 2006“

(Прва куп трка - 21.05.)

По повеќенеделно одложување на 21.05. на трим патеката во рекреативниот центар „Гази Баба“ (над стадионот на Металург) се одржа првата куп-трка во планински велосипедизам. Организатор на трката беше велосипедскиот клуб „Спидбајк“ - Кичево, технички организатор „Бајк-Стоп“ - Скопје, а ко-организатор „Велосипедската Федерација на Македонија“.
Пријавувањето беше од 10-11:45ч на самата стартно-целна рамнина, право на учество имаа сите лиценцирани натпреварувачи. Во трката учествуваа 2 категории: „Елите“ и „Јуниори, Хоби и Жени“, двете стартуваа во 12ч истовремено. Должината на еден круг изнесуваше 4,5 км, категоријата „Елите“ возеше 6 круга, а „Јуниори“, „Жени“ и „Хоби“ по 3 круга.
Трката се возеше по правилата на УЦИ, судии беа Димитар Танев и Иван Петковски.
Во многу интересната трка голем број натпреварувачи останаа без пласман заради дисквалификација. Во категоријата „Елите“ првото место го освои Кондев Љубиша со време 01:32:59, втор беше Стефановски Стефан со време 01:33:25 и трет Банишки Боро со време 01:33:30, сите од клубот „Спид бајк“ - Кичево. Во оваа категорија од вкупно 7 натпреварувачи двајца останаа без пласман.
Во категориите „Јуниори“, „Жени“ и „Хоби“ вкупно победи Крис Форкам, втор беше Тодоров Деан, а трет Георгиовски Дејан. Во овие категории од вкупно 22 натпреварувачи точно половина останаа без пласман. Кликнете овде ако саката да ги видите табелите со пласман на сите натпреварувачи.

На стартно-целната рамнина пред самиот почеток на трката

Дел од натпреварувачите на патеката

Остро на кривините, но може и насмевка за добра фотка

Доделувањето на златниот медал на Кондов Љубиша

Тројцата првопласирани: Стефан Стефановски (прв од лево), Кондов Љубишта (втор од десно) и Боро Банишки (прв од десно)

Единствените две натпреварувачки Јорданка Петрушевска (лево) и Биљана Митровска