МЕМОРИЈАЛ „КОЧО РАЦИН 2006“

На 10.06.2006 год. по 5-годишна пауза беше возобновен меморијалот „Кочо Рацин - Лопушник 2006“. За жал најверојатно поради лошото време на него учество земаа само триесетина планинари од ПСД „Бистра“ - Кичево и од ПД „Козјак“ - Прилеп.
Стартот беше во 7:30ч од с. Извор на 12 км од Кичево. За околу час и половина стигнавме до месноста Долни Лопушник каде направивме мала пауза, а потоа го продолживме патот по маркираната патека. Но набргу потоа времето се влоши и почна интензивнао да врне град така што планината изгледаше како да е покриена со снег. Заштита од градот ни пружи столетната букова шума, па после половина час откако времето се стабилизира го продолживме искачувањето кон врвот Стог (1574 мнв). На врвот пристигнавме после три и пол часа.
По краткото задржување и неизбежното фотографирање, заради лошото време се спуштивме подолу за 500 метри каде што бевме пречекани од градоначалникот на општина Другово, кој не пречека со топол чај и кој изрази спремност да ја потпомогне оваа акција во иднина со што би станала и помасовна. Враќањето траеше околу два и пол часа, а по завршетокот на акцијата беше посетен и нашиот планинарски дом кој се уште го реконструираме.

Последни припреми пред стартот на акцијата

Кратка пауза во месноста Долни Лопушник

Панорама од врвот

За сеќавање - учесниците на меморијалот на врвот

Пауза за чај по искачувањето на врвот

Текст и фотографии: Божиновски Сашо, претседател на ПСД „Бистра“ - Кичево
12.06.2006 год.