СПЕЛЕОЛОШКИ ТАБОР „ПЕШНА 2006“

Почетокот на таборот беше во Петок - 28.07.2006 во попладневните часови кога и пристигнаа повеќето од учесниците, при што се организираше сместување во шатори.
Утредента (сабота) се почна со работа т.е. со ископ на канал во наталожениот материјал на дното од пештерата, при што беше користена моторна пумпа за вода со чија помош се отстрануваше наталожениот материјал.
Попладнето беше поставена и опрема (јаже) на влезот на пештерата за практични вежби на качување и спуштање. Со ископот на каналот се дојде до тврда карпа, па утредента требаше да се продолжи со работа во друг правец.
Но во неделата нагло пресуши реката чија вода се користеше за чистење на талогот. Потоа се продолжи со посета на неколку пештери во с. Слатино и со посета на куќата која членовите на „Урсус спелеус“ ја користат како база за своите истражувања во тој крај.
Во Понеделникот беа продолжени ископувањата во Пешна но овојпат со употреба на рачен алат, така да преостана уште доста работа за некоја следна акција.
Таборот заврши во Вторник на 1-ви август, а на него зедоа учество членови на ИД „Урсус Спелеус“ - Скопје, ПД „Златоврв“ - Прилеп, ДПС „Лисец“ - Штип и ПСД „Бистра“ - Кичево.

Поставување логор

Ископување

Во внатрешноста

Извештај и фотографии: Сашо Божиновски, претседател на ПСД „Бистра“ - Кичево

11.09.2006